Lek Ladki Yojana Maharashtra शासनाचा मोठा निर्णय! ऑनलाईन अर्ज | अर्ज करण्याची अंतिम तारीख जाहीर!

लेक लाडकी योजनेचा लाभ मिळण्याची प्रक्रिया होणार सोपी, राज्य शासनाचा मोठा निर्णय.

आता थेट DBT ने लाभ, अर्ज प्रक्रिया ऑनलाईन

Lek Ladki Yojana Maharashtra 

राज्यात एक एप्रिल 2023 रोजी किंवा त्यानंतर जन्मलेल्या मुलीसाठी राज्य शासनाच्या माध्यमातून लेक लाडकी योजना राबवली जात आहे. 

लेक लाडकी योजनेअंतर्गत पात्र होणाऱ्या लाभार्थ्यांच्या खात्यामध्ये एक लाख एक हजार रुपयांचा आर्थिक लाभ दिला जातो. यामध्ये मुलीच्या जन्मानंतर खात्यामध्ये पहिला हप्ता 5000 रुपये तर दुसरा हप्ता इयत्ता पहिली प्रवेश घेतल्यानंतर सहा हजार रुपये इतका जमा केला जातो. 

मुलगी सहावीत गेल्यानंतर सात हजार रुपये तर अकरावी मध्ये प्रवेश घेतल्यानंतर आठ हजार रुपये आणि मुलगी 18 वर्षाची झाल्यानंतर 75 हजार रुपये असा एकूण एक लाख एक हजार रुपयाचा लाभ या मुलीला दिला जातो. 

याच योजनेमध्ये राज्य शासनाच्या माध्यमातून मोठा बदल करण्याचा निर्णय घेण्यात आलेला आहे ज्याच्यामुळे आता राज्यात लेक लाडकी योजनेअंतर्गत लाभार्थ्यांना आपले सरकार पोर्टल द्वारे ऑनलाईन पद्धतीने अर्ज करता येणार आहे. 

एक एप्रिल 2023 किंवा त्यानंतर जन्मलेल्या मुलींचा अद्याप अर्ज केलेला नसेल तर अशा मुलींचे अर्ज लाभासाठी करता येणार आहेत. एक एप्रिल 2023 पासून पात्र लाभार्थ्यांना 15 ऑगस्ट 2017 पर्यंत ऑनलाईन पद्धतीने Aple Sarkar पोर्टल वरती अर्ज करता येणार आहेत. 

नवीन जन्म झालेल्या मुलीच्या जन्मानंतर एक वर्षाच्या आत अर्ज करणे आवश्यक असणार आहे.  ऑनलाइन प्रक्रियेमध्ये अर्ज करत असताना आधार क्रमांकाच्या आधारे आवश्यक माहिती Auto Fetch होणार असून लाभार्थी माता पिता यांची ई केवायसी करण्यात येणार असून यामुळे आता वारंवार कागदपत्र सादर करण्याची गरज पडणार नाही. 

याचबरोबर ऑनलाईन पद्धत असल्यामुळे पुढील टप्प्यासाठी लाभासाठी लाभार्थ्यांना पुन्हा अर्ज करण्याची देखील आवश्यकता असणार नाही पात्र लाभार्थ्याच्या आधार सलग्न बँक खात्यामध्ये डीबीटीच्या माध्यमातून रक्कम जमा केली जाणार आहे.