१ ऑगस्टपासून महिला व ज्येष्ठ नागरिकांसाठी एनसीएमसी स्मार्ट कार्ड बंधनकारक
NCMC Card Rule
मित्रांनो राज्य शासनाच्या माध्यमातून महाराष्ट्र राज्य मार्ग परिवहन महामंडळाच्या प्रवासी सेवेमध्ये पारदर्शकता आणि सुलभता आणण्यासाठी याचबरोबर डिजिटल व्यवहाराला चालना देण्यासाठी नॅशनल कॉमन मोबिलिटी कार्ड अर्थात एनसीएमसी कार्ड ( NCMC Card ) आणण्यात आलेला आहे.
यापूर्वी परिवहन विभागाच्या माध्यमातून हे कार्ड प्रवाशांसाठी बंधनकारक करण्यात आलं होतं मात्र झालेल्या मोठ्या विरोधामुळे हा निर्णय मागे घेण्यात आलेला होता, आणि अखेर आता राज्यातील महिला, ज्येष्ठ नागरिक आणि अमृत ज्येष्ठ नागरिक या प्रवासासाठी हे कार्ड बंधनकारक करण्यात येणार आहे.
महाराष्ट्र राज्य मार्ग परिवहन महामंडळाच्या प्रवासी सेवांमध्ये दिल्या जाणाऱ्या सवलतीचा लाभ घेण्यासाठी महिला जेष्ठ नागरिक व अमृत जेष्ठ नागरिक यांनी एक ऑगस्ट 2026 पूर्वी एनसीएमसी कार्ड बनवावं अशा प्रकारचं आव्हान करण्यात आला आहे.
राज्यात आज अखेरपर्यंत 51 लाख नागरिकांनी एनसीएमसी कार्ड साठी नोंदणी केलेली असून त्यापैकी 25 लाख स्मार्ट कार्ड कार्यान्वित करण्यात आलेले आहेत. उर्वरित नोंदणी करत लाभार्थ्यांचे कार्ड देखील लवकरच सुरू करण्यात येणार आहेत.
राज्यात प्रवाशांची गैरसोय टाळण्यासाठी आणि कार्ड वितरणाची प्रक्रिया अधिक सुलभ आणि जलद करण्यासाठी 4000 वरून अधिक स्मार्ट कार्ड वितरण केंद्र कर्यान्वित करण्यात आलेली असून ग्रामीण आणि शहरी भागातील नागरिकांना हे कार्ड सहजपणे उपलब्ध करून देण्यासाठी ही केंद्र सक्रियपणे काम करत आहेत.
एसटी महामंडळाच्या माध्यमातून प्रवाशांना दिल्या जाणाऱ्या विविध प्रवासी सवलतीचा लाभ सुरळीतपणे मिळावा तिकीट वितरण प्रक्रियेत पारदर्शकता यावी आणि प्रवास व्यवस्थापन अधिक आधुनिक व्हावे या उद्देशाने एनसीएमसी कार्डची प्रणाली राबवण्यात येत आहे.