नवीन स्वस्त धान्य दुकान परवाना अर्ज सुरू ! | Fair price shop license application
नवीन स्वस्त धान्य दुकान परवाना अर्ज सुरू
Manifesto Approval of new fair price shops
हिंगोली जिल्ह्यात अर्ज मागविले.
सार्वजनिक वितरण प्रणाली अंतर्गत वितरीत करण्यात येणा-या शिधावस्तु शिधापत्रिका धारकांना सहजपणे उपलब्ध व्हाव्यात यासाठी अस्तित्वात असलेले शिधावाटप दुकाने काही कारणास्तव किंवा त्या क्षेत्रातील एकांकामध्ये वाढ झाल्यामुळे जिल्ह्यातील ग्रामीण व शहरी भागात नवीन 68 रास्तभाव दुकाने मंजूर करण्यात आली आहे. यासाठी इच्छुक संस्थांकडून अर्ज मागविण्यात येत आहे.
15 जुलै ते 14 ऑगस्टदरम्यान अर्ज स्वीकारणार; ग्रामपंचायत, महिला बचत गट व सहकारी संस्थांना प्राधान्य
महाराष्ट्र शासनाच्या दि. 6 जुलै 2017 च्या शासन निर्णयामधील मार्गदर्शक सूचनांनुसार ही निवड प्रक्रिया राबविण्यात येणार आहे. जिल्ह्यातील हिंगोली, वसमत, कळमनुरी, औंढा नागनाथ आणि सेनगाव या पाचही तालुक्यांतील रिक्त गावांची यादी संबंधित ग्रामपंचायत कार्यालय, पोलीस पाटील कार्यालय, तलाठी कार्यालय, तहसील, उपविभागीय अधिकारी कार्यालय, पंचायत समिती कार्यालयाच्या सूचना फलकावर प्रसिद्ध करण्यात आली आहे.
नविन रास्तभाव /शिधावाटप दुकानाकरीता, पंचायत (ग्रामपंचायत व तत्सम स्थानिक संस्था), नोंदणीकृत स्वयंसहायता बचत गट, नोंदणीकृत सहकारी संस्था, महाराष्ट्र सहकारी संस्था अधिनियम किंवा संस्था नोंदणी अधिनियम या कायद्याअंतर्गत नोंदणी झालेल्या संस्था, महिला स्वयंसहायता बचत गट व महिलांच्या सहकारी संस्था यांचे कडुन अर्ज मागविण्यात येत आहे.
सदर रास्तभाव दुकानाचे परवाने मंजुर केलेल्या महिलांचे व्यवस्थापण महिला किंवा त्यांचे समुदयाव्दारे करणे आवश्यक राहील. तसेच संस्था, गट स्थानिक गावातील किंवा वार्डातील असणे आवश्यक आहे. सदर जाहिरनामे तलाठी कार्यालय (साजा), ग्रामपंचायत कार्यालय (चावडी), नगर पालीका क्षेत्र तहसिल कार्यालय येथे प्रसिध्द करण्यात आलेले आहे.
ज्या संस्था/बचत गट यांना नविन रास्तभाव दुकानाकरीता अर्ज करावयाचा असेल त्यांना संबंधित तहसिल कार्यालयात अर्ज करणे आवश्यक राहील. इच्छुक संस्था, बचत गट यांचे अर्ज दिनांक 14 ऑगस्ट, 2026 पर्यत संबंधित तहसिल कार्यालयातील पुरवठा विभागाकडे विहीत मुदतीत स्वीकारण्यात येतील.
विहीत मुदतीनंतर प्राप्त अर्ज स्वीकारण्यात येणार नाही, याची सर्व संस्था, बचत गट यांनी नोंद घ्यावी. अर्जासोबत कोणती कागदपत्रे जोडावी यांची माहिती तहसिल कार्यालयात उपलब्ध आहे. असे जिल्हा पुरवठा अधिकारी यांनी कळविले आहे.
जिल्हयातील कार्डधारकांची होणारी गैरसोय दूर करण्याकरीता सध्याची रास्त भाव दुकाने कायम ठेवून आजमितीस रद्द असलेली, राजीनामा दिलेली व लोकसंख्या वाढीमुळे द्यावयाची नवीन रास्त भाव दुकाने मंजूर करण्यात आली आहे.
दुकान निवडी साठी प्राधान्यक्रम
३. महाराष्ट्र सहकारी संस्था अधिनियम १९६० अंतर्गत नोंदणीकृत सहकारी संस्था, ४. संस्था नोंदणी अधिनियम अंतर्गत नोंदणी झालेल्या सार्वजनिक संस्था किंवा सार्वजनिक न्यास
अर्ज करताना अर्जासोबत खालीलप्रमाणे कागदपत्रे जोडणे आवश्यक आहे.
२. पंचायत (ग्रामपंचायत व तत्सम स्थानिक स्वराज्यसंस्था), नोंदणीकृत स्वयंसहायता बचत गट, महाराष्ट्र सहकारी संस्था अधिनियम १९६० अंतर्गत नोंदणीकृत सहकारी संस्था, संस्था नोंदणी अधिनियम अंतर्गत नोंदणी झालेल्या सार्वजनिक संस्था किंवा सार्वजनिक न्यास यांचे नोंदणी प्रमाणपत्र.
४. व्यवसाय करावयाच्या जागेचे मालकीबाबत कागदपत्र, जागा भाड्याची असल्यास भाडेपत्र, घर, टॅक्स पावती, ७/२, जागेचे क्षेत्रफळ, व्यवसाय ठिकाणाचे क्षेत्रफळ चौ. फुटमध्ये.
७. पंचायत /स्वयंसहायता गट /संस्था/सार्वजनिक संस्था/ न्यास यांचे अध्यक्ष/उपाध्यक्ष / सचिव व सर्व सभासदांची नावे, पूर्ण पत्यासह.
उपरोक्त नमूद शासन निर्णयानुसार इच्छूक पंचायत/संस्था/गट यांनी आवश्यक त्या कागदपत्रांसह संबंधीत तहसील कार्यालयाकडे मुदतीत अर्ज सादर करावेत.
