मोठी आनंदाची बातमी, आरटीई प्रवेशाची अंतिम तारीख वाढवली
RTE 25% Admission last date extended
गोर गरिबांच्या मुलांना इंग्रजी शाळेमध्ये शिक्षणाची घेण्याची संधी अर्थात RTE 25% ऍडमिशन. याच सध्या सुरु प्रवेश प्रक्रियेबाबत प्राथमिक शिक्षण संचालनालयाच्या माध्यमातून एक दिलासादायक निर्णय १० मार्च २०२६ रोजी घेण्यात आला आहे.
RTE 25% ऍडमिशन प्रक्रियेला मुदतवाढ देण्यात आली आहे.
या संदर्भातील एक प्रसिद्धीपत्रक काढून या प्रवेश प्रक्रियेला 18 मार्च 2026 पर्यंत मुदत देण्यात आलेली आहे.
या पत्रकानुसार बालकांचा मोफत व शक्तीच्या अधिनियम 2009 नुसार दुर्बल वंचित घटकाकरिता rte 25% टक्के ऑनलाईन प्रवेश प्रकियाकरिता १८ मार्च पर्यंत मुदतवाढ देण्यात आलेली आहे.
बालकांचा मोफत व सक्तीच्या शिक्षणाचा अधिकार अधिनियम २००९ मधील कलम १२ (सी) (१) नुसार दुर्बल व वंचित घटकांतील बालकांना स्वयं अर्थसहाय्यित शाळा, विना अनुदानित शाळा या शाळांमध्ये आरटीई २५ टक्के सन २०२६-२७ या वर्षासाठी प्रवेश प्रक्रिया ऑनलाईन पदधतीने राबविण्यात येत आहे.
शासन निर्णय दि. १२-०२-२०२६ नुसार बालकांचा मोफत व सक्तीच्या शिक्षणाचा अधिकार अधिनियम २००९ नुसार वंचित व दुर्बल घटकातील बालकांना २५ टक्के प्रवेश प्रक्रिया राबविणेबाबत सुधारित सूचना निर्गमित करण्यात आलेल्या आहेत.
बालकांच्या पालकांकडून आरटीई २५ टक्के प्रवेश ऑनलाईन अर्ज भरण्याची प्रक्रिया दि. १७-०२-२०२६ ते दि. १०-०३-२०२६ या कालावधीपर्यंत https://student.maharashtra.gov.in/ या संकेतस्थळावर सुविधा उपलब्ध करून देण्यात आली होती. तरी आपणास कळविण्यात येते की, आरटीई २५ टक्के प्रवेश ऑनलाईन अर्ज भरण्यासाठी बुधवार, दि. १८-०३-२०२६ पर्यंत मुदतवाढ येत आहे. याबाबत आपल्यास्तरावरुन संबंधितांना कळविण्यात यावे.
त्यानुसार क्षेत्रिय स्तरावरील सर्व संबंधित कार्यालय व बालकांच्या पालकांनी खालील सूचनांची काटेकोरपणे अंमलबजावणी करण्यात यावी अशा सूचना देण्यात आल्या आहेत.
या प्रक्रियेमध्ये आता 18 मार्च 2026 पर्यंत मुदतवाढ देण्यात येत आहे अतिशय दिलासादायक आणि महत्त्वपूर्ण असा निर्णय संचालनाच्या माध्यमातून घेण्यात आलेल्या ज्याच्यामुळे आता ज्या बालकांचे अर्ज भरण्यात आले नव्हते अशा बालकांच्या अर्ज प्रक्रिया पुढील आठ दिवसात पार पाडता येतील.