किसान सन्मान निधी योजना खाते दुरुस्ती सुरू
PM Kisan Edit farmer details campaign start in Maharashtra
शेतकऱ्यांना वार्षिक ₹६,००० अर्थसाहाय्य देणारी महत्वाची योजना प्रधानमंत्री किसान सन्मान निधी योजना ( PM KISAN sanman nidhi yojana )प्रधानमंत्री किसान सन्मान निधी योजनेअंतर्गत प्रलंबित डाटा दुरुस्तीसाठीगाव पातळीवर 25 मार्च रोजी शिबिराचे आयोजन
प्रधानमंत्री किसान सन्मान निधी योजना फेब्रुवारी, 2019 पासून राज्यात राबविण्यात येत आहे. या योजनेअंतर्गत राज्यात 114.93 लाख शेतकऱ्यांनी नोंदणी केली असून 109.33 लाख पात्र शेतकऱ्यांना मदत म्हणून 18120.23 कोटी रुपये रकमेचे वितरण करण्यात आले आहे. या योजनेतील अनेक लाभार्थी हे डाटा दुरुस्तीच्या कारणामुळे न्याय लाभापासून वंचित आहेत.
- बँक ट्रान्झॅक्शन फेल्यूअर डाटा 2.51 लाख,
- आधार दुरुस्ती 1.18 लाख,
- पीएफएमएस ने नाकारलेला डाटा 0.65 लाख ,
- स्वयंनोंदणीकृत लाभार्थी प्रलंबित दुरुस्ती 2.62 लाख
- इतर दुरुस्ती प्रलंबित डाटा 1.58 लाख आहे.
याबाबत केंद्र शासनाने नाराजी व्यक्त केली आहे.
यासाठी राज्य स्तरावर दि. 20 जानेवारी, 2022 रोजी मुख्य सचिव यांच्या अध्यक्षतेखाली पार पडलेल्या राज्यस्तरीय आढावा बैठकीत प्रलंबित डाटा दुरुस्तीसाठी गाव पातळीवर शिबीर (कॅम्प) आयोजित करुन मोहिम तत्वावर प्रलंबित दुरुस्तीची कामे पूर्ण करण्याचे निर्देश मुख्य सचिवांनी दिले आहेत.
प्रधानमंत्री किसान सन्मान निधी (पीएम किसान) योजनेच्या प्रलंबित कामांचा निपटारा, दुरुस्त्या, भौतिक तपासण्या हि काम तात्काळ पार पाडण्यासाठी एक शासन परिपत्रक निर्गमित करण्यात आले आहे.
प्रधानमंत्री सन्मान निधी (पीएम किसान) योजनेच्या प्रलंबित डाटा दुरुस्तीसाठी कॅम्प आयोजित करणे, योजनेतील लाभार्थ्यांची भौतिक तपासणी करणे व अपात्र ठरलेलया लाभार्थ्यांकडुन दिलेला लाभ वसूल करणेबाबत च्या सूचना या परिपत्रकात देण्यात आल्या आहेत.
परिपत्रक येथे पहा